Plattdeutsche Kolumne von Sonny Holst
In unsen hütigen Alldag is dat gonnich mal so licht mit den Dagesafloop kloor to kamen. Männicheen kann den Utgliek nich finnen. De Dokters verseukt dat mit Pillen odder Druppens. Is wiss veel Chemie binnen un deswegen bün ick mehr för Autogenes Training, Joga un wat dat sünst noch gifft. Odder „ich bin mal weg“ up den Jakobswech na Santiano de Compostella. Is mi to wiet! Kann aver ok malöörn, dat du di mitmal up’n Sofa von’n Neurologen wedder findst. Dat isn nich nödig,wenn man sülben in de Laag is, dat in’n Gang tokriegen. Stell di sülbst een Reezept ut. Mien süht so ut: Still ohne Autolarm un Gase an`t Meer sitten. Wi hebbt je in Sleswig Holsteen up beide Sieden Water. Den Wind, de monotone Wellenslag is Musik för mi. Den Austerfischer bi sien seuken na wat to freten beluurn.De solthaftige Luft geneten. Den Sünnenünnergang mi all sien Farven beleven un wenn du Lust hest, kannst noch in de Brandung angeln. För mi is düsse Dag een heel besünnern Dag, ick besöök mien Fru, de ünnen up de Meeresgrund licht, poor Tranen ward vun Wind verweit. Geselligkei steiht ok baben an. In’n Sportvereen, in’n Schüttenverein, in’ Gesangvereen. Snacken över dit un dat un villicht ok över anner Lüüd? Leev Hüüt un laat allens up di tau kamen. Gah in di un frei, dat di dat noch so gaud geiht un vergeet de Leevte nich! So,- nu hool ick up, sünst ward mi noch ganz melanklöterich.
Heff woll Hüüt een deepdenkerschen Dag !
Sonny
