Dütt Johr is vullstoppt mit Jubiläen. 150 Johrn oold is de Kreis Stormarn, 500 Johr is dat her, dat Luther de christlich Welt ümkrempelt hett, un 60 Johr sünd de Röömschen Verdrääg oold, mit de dat grote Europa sien’n Anfang nähm. Un dat grote Europa hett sick üm de lütten Spraken kümmert, to de ok Platt tohöört. Kann man dat all’ns ünner een’n Hoot bringen un een schwungvull Fest dor ut moken? Wi wüllt dat versöken, un mit een poor passlich Bibelversen schafft wi dat ok.
De Pensions-Paster Cord Denker hett ok düttmol wedder niee Leedertexten schreben un bringt sien Gitarr mit. Un denn geiht dat los in de Kark to Bargteheide, Lindenstraße 2, Sünndag, den 16. Juli, Klock 11.00. Een plattdüütsch Fest för Gott un de Welt. Wenn du nix anners vörhest, kiek doch mol in un mook mit!
