Wi föhlt uns good in uns Stormarner Land. Un egens föhlt wi uns ok ganz good in dat grote Europa. Nu hett jo de Kreis sien 150 Johrs-Jubiläum un tofälligerwies hett ok Europa een Jubiläum: 60 Johrn Röömsche Verdrääg; un Luther sien Thesen-Anschlag is 500 Johrn her. Loot uns dat doch all’ns opgriepen un tosomen knütten un ünner de Segenshannen vun unsen dreeduppelten Gott. Un denn in’n Verbund mit den Heimatbund Stormarn een’n richtig groot Gottesfest op de Been stellen!
Cord Denker hett een Schwanen-Hymnus för Stormarn schreben, Andis Paegle hett dorto een schwingen Melodie komponeert. Un an den 15. Oktober um 10 Uhr füllt sik denn de Kark to Zarpen mi een’ veelfachen Jubelklang. Kiek in un maak mit!
C.D.
